Ekkert feimnismál

Gott að það skuli ekki vera feimnismál í samfélaginu okkar að viðurkenna að fleira sé til en augað sér. Það hefði verið gaman að lenda í úttakinu og sjá hverjar spurningarnar voru, en vonandi kemur það fram í pappírsmogganum mínum. Þekki stálheiðarlegt fólk sem hefur lent í vandræðum út af skyggni, til dæmis sagst hafa mætt fólki á götu, sem síðan reyndist dáið, þannig að ég efast ekki, þótt ég eigi enga persónulega reynslu af því tagi, nema kannski af því ég er afspyrnu ómannglögg. Því miður eru til samfélög sem dæma allt yfirskilvilegt sem villutrú, oft í nafni ofurkristni, og það hlýtur að vera erfitt að hafa einhvern hæfileika af þessu tagi í slíkum samfélögum.

Býst þó við að ég hefði komist á blað í svona rannsókn, ef ég hefði lent í úttaki, útá hagnýta notkun hugskeyta, sem meðal annars urðu til þess að húsbóndi minn í sveitinni byrjaði allnokkrar setningar sínar á eftirfarandi orðum: Ég ætlaði nú að senda ykkur í kartöflugarðinn [úti bylur regnið á gluggunum] en í staðinn ætla ég að senda ykkur upp á þurrkloft/niður í kjallara/út í hænsnahús .... En kannski var það Dúna vinkona mín sem var svona máttug í hugskeytunum, við sendum okkar skeyti venjulega saman og ég man reyndar fleiri og magnaðri tilvik, en látum þetta duga.

 

 

Trú á dulræn fyrirbæri liggur djúpt í þjóðarsálinni

Athugasemdir

[Ragnhildur Jónsdóttir, 9.12.2007 kl. 00:12]

Nei, þetta á sko ekkert að vera feimnismál.

[Einar Þór Strand, 9.12.2007 kl. 11:18]

Páll

Er milljón dalirnir ekki líka fáanlegir fyrir að afsanna með öllu það sem er yfirskilvitlegt??

[Anna Ólafsdóttir Björnsson, 9.12.2007 kl. 16:39]

Væri það ekki skrýtið tilviljun ef einmitt núna, á þessari stundu, væri búið að ráða alla leyndardóma tilverunnar. Ég bíð þolinmóð, en þar sem þetta er ekki mitt fræðasvið, þá verður það einhver önnur sem hirðir milljónina, hún gengur út, sannaðu til. Ég skal hins vegar taka þátt í rannsókninni.