Kosningu fer að ljúka í fegurðarsamkeppni íslenskra orða. Kærleikur með nauma forystu á toppnum

Kosningu fer að ljúka í fegurðarsamkeppni íslenskra orða - aðeins rúmir þrír dagar eftir. Kærleikur er með nauma forystu á toppnum, ljósmóðir fylgir fast á eftir og dalalæða á litla möguleika.

Frá og miðnætti í dag, föstudag, gef ég þriggja daga frest til að ljúka kosningunni. Á miðnætti næstkomandi mánudag lýkur þessari kosningu í fegurðarsamkeppni íslenskra orða. Úrslit eru ennþá í járnum en einhvers staðar verður að setja punktinn og nú er komið að því, enda þátttaka loks að minnka.  

Athugasemdir

[Sveinn Kristjánsson 27.7.2007 kl. 08:45]

Finnst alveg vanta orðið " Frábær " inní keppnina, það hefði annars alveg tvímælalaust fengið mitt atkvæði

[Anna Ólafsdóttir Björnsson, 27.7.2007 kl. 09:03]

Það vantar mörg góð orð í þessa keppni, þau einfaldlega fengu ekki brautargengi í hópi þeirra 87 orða sem upprunalega voru tilnefnd af ykkur, lesendunum. En líttu á björtu hliðina, í þessari keppni eru einmitt mörg frábær orð!

[Pétur Pétursson 27.7.2007 kl. 09:46]

Gef ljósmóður atkvæði mitt. (Er það ekki annars með þessum hætti sem maður kýs?)

[Anna Ólafsdóttir Björnsson, 27.7.2007 kl. 10:01]

Atkvæðagreiðslan er hér á vinstri hönd og það þarf að merkja við orðið sem fær atkvæði. Ef niðurstöðurnar eru sýnilegar merkir það að áður hafi verið kosið úr tölvunni eða sömu IP-tölu.

[Stefán Friðrik Stefánsson, 27.7.2007 kl. 18:40]

Skemmtilegur leikur hjá þér Anna. Hefur verið gaman að fylgjast með. Ég kaus orðið kærleikur. Fallegt og notalegt orð. :)

mbk.

[Björg Guðjónsdóttir 28.7.2007 kl. 09:39]

Gaman að setja upp það fyrsta er kemur í huga minn um þau orð sem trjóna efst á listanum.

Ljósmóðir - Hún ljósa mín. Það  er svona byrta öryggi hlýja og smá þakklæti í því orði. Trúarlegt.

Kærleikur- Pínu hart orð í munni, mjög kurteysislegt orð, ekki mikið notað í talmáli nema í kristilegum rullum, kvað ef maður breytir því í Nærleik.

En svo má líta á vísuna.

Það er leikur að læra / leikur sá er mér kær.

Dalalæða- Dulúð, draumar, sýnir, sagnir.smjúga létt í hugann.

Heiðmyrkur gaf mikla sköpun og skáldskap allt yfir í Kollheiðríkt.

Þó við þessar veðuraðstæður hafi einnig verið notða orðið Kerlingaþoka. 

 Margt býr í þokunni.

Álfar tröll og vættir, friður,ótti, kyrrð og skuggar svo mjög Islenskt.