Og enn frá Kanarí ... sólin skín enn!

Hér er sól og sumar eins og alltaf á eyju hins eilífa vors. Ég hélt ég hef verið að ýkja að Simon nokkur væri farinn að skemmta á Paddy Murphy, hann var nefnilega mættur á Friar Tuck degi seinna, en svo kom í ljós að hann var einmitt að  færa sig um set daginn eftir og ljúka vinnuskyldunni á Friar Tuck. Svo ég stend við fréttina, eins og sagt er. Ennfremur er hér til tíðinda, auk góða veðursins, að sá góði staður Boomerang í Kasbah er ekki lengur við lýði. Og loks er nauðsynlegt að segja frá ljósi í myrkri lélegheita á mini-golfvellinum. Mér tókst nefnilega að fara holu 17 í höggi og fagnaðarlátunum (einkum mínum) ætlaði seint að linna. Ótrúlegt! Svona líða dagarnir allt of fljótt og við blómstrum í notalegu umhverfi og góðum félagsskap vina og ættingja. Reyni að setja inn myndir áður en við förum heim.

Athugasemdir

[Linda litla, 14.2.2008 kl. 19:43]

Sko mína    Bara með Tiger Woods takta.

[Anna Ólafsdóttir (anno) 16.2.2008 kl. 16:00]

Smá ofund - aftur - nú vegna golfsins - mig hefur alltaf langað svo að verða golfari  Annars - hafðu það áfram gott, hlýtt og notalegt mín kæra - og í tilefni af bloggi mínu um blogg þá upplýsist að þú ert ein af þessum sem var svo frábært að endurnýja kynnin við gegnum bloggheima

[Anna Ólafsdóttir (anno) 16.2.2008 kl. 16:01]

ekki ofund (er þetta ekki annars nýyrði???) heldur öfund

[Álfhóll, 16.2.2008 kl. 22:15]

Njóttu hverrar mínútu í fríinu þínu Anna mín.  Er þar stödd í lífinu að mér finnst tíminn líða svo hræðilega hratt.  Kúnstin er að reyna að frysta hann og njóta og njóta........Held þú kunnir það.

Bestu kveðjur

Guðrún

[Ólöf María Brynjarsdóttir, 17.2.2008 kl. 16:44]

Var einmitt stödd á sömu slóðum og þú núna fyrir ári síðan, yndislegt að vera. Finn hvað mig langar aftur þegar ég les um ævintýr ykkar Ara! Bið að heilsa til Kanarí..
kv. Olla

[Anna Ólafsdóttir Björnsson, 17.2.2008 kl. 16:49]

Takk allar, ég nýt lífsins hér í botn og ég ítreka ad ég vildi helst vera med alla vini og vandamenn hérna líka.