Jóhanna lofar björgun Foreldrahúss! Húrra!

Mér fannst flottust þessi setning í viðtali Sjónvarpsins þegar Jóhanna Sigurðardóttir félagsmálaráðherra lofaði að Foreldrahúsinu yrði bjargað. Þegar hún var spurð hvort það væri hægt að bjarga því fyrir áramót, þegar Vímulaus æska missir húsnæði Foreldrahússins, hvort tíminn væri ekki of stuttur, þá svaraði hún: Við látum hann duga!

Þetta var flott umfjöllun í Sjónvarpinu og dásamlegt loforð félagsmálaráðherra og hún er nú yfirleitt þekkt fyrir það að standa við það sem hún lofar. Viðmælendur Sjónvarpsins í gær eiga líka heiður skilinn fyrir öflugan málflutning og allir sem leggja þessari baráttu lið. Það er ekki hægt að spara þegar líf og vellíðan fjölskyldna í vanda er í húfi. 

Athugasemdir

[Svala Erlendsdóttir, 10.12.2007 kl. 20:07]

Frábært svar ,,Við látum hann duga" Hún Jóhanna er alveg frábær, og það rignir sko ekki upp í nefið á henni.

[Anna Ólafsdóttir Björnsson, 10.12.2007 kl. 20:53]

Þetta var bara gott, nýr kafli í mikilvægri sögu að hefjast. Og ég hef trú á að Jóhönnu takist þetta vel.

[Birgitta Jónsdóttir, 10.12.2007 kl. 22:36]

Þetta eru frábærar fréttir:)

[Anna Ólafsdóttir (anno) 10.12.2007 kl. 22:51]

Ein rósin enn í búntið sem hún Jóhanna er komin með síðan hún komst í embætti. Það væri hræðilegt í einu orði sagt ef þessi starfsemi lenti á hrakhólum.

[Hallgrímur Guðmundsson, 10.12.2007 kl. 23:27]

Mikið vildi ég að við ættum margar svona Jóhönnur. Hún er hreint út sagt frábær, "við bara gerum það sagði hún" þetta minnir mann á skipstjóra ekkert rugl bara framkvæma. Svona á þetta að vera.

[Kári Harðarson, 11.12.2007 kl. 08:55]

Ég fíla hana í tætlur, hef alltaf gert. 

[Jakob Ágúst Hjálmarsson, 11.12.2007 kl. 11:12]

Já, það er þarft verk að bjarga þessu máli og Jóhönnu líkt að bregðast snöfurmannlega við. Í Foreldrahúsinu er unnið mikilvægt starf á sjálfstæðum grundvelli og ráðvilltum foreldrum hjálpað. Það gerir S'A'A að vísu líka og á skilið sitt hrós. En Foreldrahúsið verður að halda áfram.

[Anna Ólafsdóttir Björnsson, 11.12.2007 kl. 17:30]

Ósvikin gleði og líka notalegt að finna hve margir fagna þessari þróun mála.