Orð sem enda á ,,gangur"

Eitt sinn bjó ég með mjög skemmtilegu fólki á Miklubraut. Eitt af því sem okkur datt einhvern tíma í hug var að finna eins mörg orð og við gætum sem enduðu á ,,gangur". Við vorum komin með yfir 40 orð þegar við gáfumst upp. Flestir þekkja þessi orð, uppgangur, niðurgangur, tilgangur, fjórgangur, frágangur ... þau eru sem sagt alla vega fleiri en 40 allt í allt. Lýsi eftir tilnefningum, orð eru svo skemmtileg!

Athugasemdir

[Hólmdís Hjartardóttir 22.11.2007 kl. 16:01]

Mér var á sínum tíma kennt að beygja orðið gangur svona; hér er gangur, umgangur,frágangur tilgangur.

[Jóhanna Magnúsar- og Völudóttir , 22.11.2007 kl. 16:05]

þankagangur... hmm.. man ekki meira í bili!

[Gústi 22.11.2007 kl. 16:21]

Hágangur er fjallsnafn fyrir norðaustan .....

[Jóhanna 22.11.2007 kl. 17:35]

Þú ert að gleyma alla vega fimmgangi, manngangi..

[Iðunn 22.11.2007 kl. 17:50]

Stofugangur, samgangur, forgangur, fótgangur, fiskigangur, handagangur, herbergisgangur, framgangur,vindgangur, inngangur, útgangur, úrgangur, frumgangur, sjávargangur, subbugangur, sólargangur, stigagangur, heimagangur, draugagangur, manngangur, gestagangur, seinagangur, ágangur, árgangur, hægagangur, gauragangur, aðgangur, atgangur.

Jæja rífandi gangur í þessu kannski ætti ég að leyfa öðrum að taka þátt og hætta núna

[Iðunn 22.11.2007 kl. 18:17]

svo er svolítill : afgangur;)  ljósagangur, sjógangur, gegnumgangur, lestargangur, fjárgangur, skógargangur, vatnsgangur, eldgangur, kossagangur, kjaftagangur

Æj sorry þetta er svo gaman ég stóðst ekki að bæta nokkrum við það er samt ekki allt búið svo fleiri geta verið með

[Iðunn 22.11.2007 kl. 19:47]

Frekjugangur, kjánagangur, aulagangur, kjörgangur, krossgangur, kostgangur, ógangur, verkgangur, vergangur

Erfitt að hætta

[Linda litla, 22.11.2007 kl. 20:38]

Þetta er bara að "ganga" ágætlega hjá öllum he he he á mínu heimili núna er bara óþekktargangur í örverpinu mínu.

[Ár & síð, 22.11.2007 kl. 21:37]

Svona af því að þú ert í pólitíkinni.... Yfirgangur

[Iðunn 22.11.2007 kl. 21:48]

Berserksgangur

Blóðgangur

Eftirgangur

Gæsagangur

Fyrirgangur

[Anna Ólafsdóttir (anno) 22.11.2007 kl. 22:05]

manngangur?, var það kannski komið?

[Þorsteinn Sverrisson, 22.11.2007 kl. 22:08]

Sæl Anna,

Undir þetta falla líka samsett orð þar sem fyrra orðið endar á g- og seinna á -angur, t.d. hugangur

Orðið "gangur" skilar 188 þúsund niðurstöðum á google.  Ég held að það sé hægt að leita bara að orðum sem enda á tiltekinn hátt en ég kann það bara ekki.

[Helga 22.11.2007 kl. 22:22]

Iðunn er svo dugleg að tína til orð að hún sló mig út af laginu.  En eftir að hafa lagt höfuðið í bleyti þá sýnist mér að það vanti skrúfgang: skrúfgangur.

Svo er önnur pæling og ekki síður skemmtileg af hverju er seinni liður svo margra og ólíkra orða "gangur"?

[Anna Ólafsdóttir Björnsson, 22.11.2007 kl. 22:59]

Það stendur ekki á hjálpinni frá ykkur, hlakka til að telja þetta saman, ég sé strax orð sem við á Miklubrautinni vorum ekki með á sínum tíma.

[Þórbergur Torfason, 23.11.2007 kl. 00:09]

Eftirgangur, forgangur, hamagangur, atgangur, vergangur, gæsagangur.

[Hólmdís Hjartardottir 23.11.2007 kl. 00:28]

Landgangur,sjógangur

[Hólmdís Hjartardóttir 23.11.2007 kl. 00:34]

Svo einn gamall húsgangur,brussugangur,óhemjugangur

[Hólmdís Hjartardóttir 23.11.2007 kl. 02:08]

Árgangur,uppgangur,djöfulgangur,hamagangur,vélargangur,stultugangur,viðgangur,vindgangur

[Anna Ólafsdóttir Björnsson, 23.11.2007 kl. 02:58]

Þetta er dýrlegt safn gang-orða. Þið eruð gangandi orðabækur, takk!