Leyndardómar tónlistarsmekksins

Bloggfærsla Kristjáns Kristjánssonar um Johnny Cash fékk mig til að fara út í meiri háttar vangaveltur um tónlistarsmekk fólks. Um tvítugt var ég alveg rosalega þver og þrjósk með afdráttarlausan tónlistarsmekk. Tilheyrði þeim hluta fólks sem gat rústað partíi með því að koma inn og segja: ,,Uppáhaldssöngvarinn minn er Andy Williams" (djók) ég sannreyndi það, það var hægt að kála heilu partíi með svona andstyggilegri athugasemd.

Með aldrinum hef ég mildast og þroskast. Hlusta á fleira en Stones, Pink Floyd, Zeppelin og Beethoven nú orðið (gerði það líka þá, en þið sjáið línuna).  

Núna langar mig alveg rosalega að kynnast ykkur bloggvinir kærir, með því að fá að vita hver er tónlistarsmekkur ykkar og jafnvel hvers vegna, smekkurinn dugar samt. Kannski skelli ég inn könnun í framhaldi, annars er þessi með Bandaríkjaforsetana ennþá vel virk svo hún er ekki á útleið rétt um sinn. Sjáum til hverjir þora að afhjúpa sig í athugasemdakerfinu. Ég skal ríða á vaðið og segja í stuttu máli hvað ég elska, en þið ættuð að heyra blandið í poka sem ég hlusta á í vinnunni! En hér er svona draumamix fyrir einn klukkutíma eða svo - mjög tilviljunakennt val augnabliksins: Creep með Radiohead, Guttavísur með Hundi í óskilum (ný útgáfa af Whiter Shade of Pale), One með Johnny Cash, sálmurinn með Bubba, Ho, ho, ho (Barðalagið í Eurovision), Ungversk rapsódía nr. 2 eftir Liszt (hljómsveitarútgáfa), Little red rooster með Stones, Dolphins cry með Magna, Satisfaction með Björk og PJHarvey, California Girls með Leningrad Cowboys og kór Rauða hersins og Bongo song með Safri Duo. 

 

 

Athugasemdir

[Oddrún , 30.1.2008 kl. 21:22]

Úff,,, það er nú einu sinni þannig með tónlist að maður er í einu tónlistarskapinu einn daginn og svo allt öðru þann næsta   En svona líður mér í tónlistinni þessa dagana

Kate Bush- CloudbustingSlayer- South of heavenAlice in Chains- RoosterSkid Row- Wasted timeBob Dylan- Like a rolling stoneJethro Tull- To cry you a songLeonard Cohen- Famous blue raincoatTori Amos- Famous blue raincoat (massa flott með Tori)Kim Larsen- Kringsat av fienderSykurmolarnir- MotorcrashRolling Stones- Honky Tonk WomanLed Zeppelin- Dazed and confused og Kashmir

Ég ætlaði bara að setja inn 5 lög en ég gat það ekki

[Oddrún , 30.1.2008 kl. 21:23]

Vá,,, þetta fór allt í klessu

[Guðríður Haraldsdóttir, 30.1.2008 kl. 21:42]

Vá ... Pink Floyd (allt), Radiohead (flest), Eminem (margt), Rick Wakeman (flest), King Crimson (margt), Mozart (allt), Sykurmolarnir (flest), Jethro Tull (Passion Play í uppáhaldi) ... Nirvana (margt), Greenday (sumt), Wu Tang Clan (margt) og fleira og fleira sem ég man ekki eftir. Láttu vita ef þú vilt bara lög! :)

[Guðríður Haraldsdóttir, 30.1.2008 kl. 21:42]

Já, og Zeppelin og Deep Purple ... vá, ég gæti haldið endalaust áfram.

[Anna Ólafsdóttir Björnsson, 30.1.2008 kl. 21:54]

Rosalega þekki ég fólk með góðan smekk!!!! Oddŕun, þetta skilst allt. Gurrí, gaman að fá eitt tvö lög í viðbót.

[Ólöf María Brynjarsdóttir, 31.1.2008 kl. 00:52]

Ferðasót Hjálma mikið spilað núna hér á þessum bæ þá sérstaklega leiðin okkar allra. Dúndurfréttir einnig mikið spilaðir ekkert eitt með þeim en er með tónleika upptöku sem ég held mikið uppá, Bubbi alltaf spilaður, núna sérstaklega "trúir þú á engla" platan hans, sálmurinn hans er líka mikið spilaður hér. Hef verið í mikilli nostalgíu núna upp á síðkastið og spilað gömul íslensk dægurlög m.a. komdu í kvöld, einu sinni á ágústkveldi o.s.frv. Maístjarnan með Hvanndalsbræðrum er líka oft spiluð hér. Svo fullt fleira bara svona það sem ég man í bili. 

[Svala Jónsdóttir, 31.1.2008 kl. 00:55]

Green Day (flest), Bowie (eiginlega allt), The Clash (næstum allt), Bob Marley (flest), Morrisey (margt), Radiohead (margt, t.d. Creep, Karma Police, Paranoid Android), Nirvana (margt, sérsaklega coverið þeirra af Man who sold the world), The White Stripes (sumt t.d. Seven Nation Army, Forever for her ), Nick Cave (margt t.d. People ain't no good), Johnny Cash (sumt t.d. Hurt), Rage Against the Machine (sumt), Queen (sumt), Pink Floyd (mjög margt, sérstaklega Dark Side of the Moon), Linkin Park og My Chemical Romance(sumt)... já þetta er örugglega meira en nokkur vildi vita. :)

[Anna Ólafsdóttir Björnsson, 31.1.2008 kl. 11:20]

Meira af skemmtilegri tónlist, flott! Minnir mig líka á lög sem ég hef gelymt að spila smá tíma, White Stripes til dæmis, fór á tónleikana.

[Kristín M. Jóhannsdóttir, 31.1.2008 kl. 17:28]

Minn tónlistarsmekkur er eins og bland í poka. Og þar að auki eru dagarnir eins og rússibani eða jójó. Þessa dagana hlusta ég mikið á blús eins og kemur frá The Black Crows, Eric Lindell, Colin James, en stundum er það harðara dót eins og Alice in Chains, Mad Season, Godsmack, System of a down, enn aðra daga gamla góða dótið eins og Bítlarnir (aðdáandi síðan ég var tíu ára), Rollingarnir, Paul McCartney, Johnny Cash, Greenday, Queen, og enn aðra daga er ég að hlusta á Barenaked ladies, Red hot chilli peppers, Death cab for cutie, Tylor Hicks, Creed, Katie Melua, Feist, Ane Brun... Og ekki má gleyma Bubba, Ampop, Álftagerðisbræðrum, Lights of the Highway, Mugison... Þetta er orðið of langt. Ég gefst upp.

[Anna Ólafsdóttir Björnsson, 31.1.2008 kl. 20:13]

Ómetanlegt að fá svona innspýtingu í eigin tónlistarsmekk, upprifjun og ábendingar.

[Álfhóll, 1.2.2008 kl. 14:07]

Sæl Anna mín.

Get enn klökknað yfir öflugum baráttusöngvum. Verst að hugmyndafræði sumra þeirra er fyrir mér orðin úrelt og það er eins og fólk sé hætt að semja pólitísk lög.  Kann ekki texta og misþyrmi þeim illilega því ég heyri illa.  Elska bara stemmninguna.  Svo set ég á rondo útvarpsstöðina eða  einhverja klassík næstum sama hvað er, kann  ekki að nefna hana eða dæma, nýt hennar bara.  Reyndar eitt enn, mér finnst Halvdan Sivertsen dásamlegur.  Bestu kv. Guðrún

[Anna Ólafsdóttir Björnsson, 1.2.2008 kl. 14:23]

Halvdan þekki ég ekki (hver veit nema ég bæti úr því) en baráttusöngvar, já, úff, ég fæ gæsahúð á borð við þá sem fylgir góðri klassík þegar ég heyri We shall overcome og fleiri öflug baráttulög. Lifði fyrir svona lög á vissu tímabili.