,,Go liddlu dæduna" og hápólitískir barnagallar

Um leið og ég fór í bleiku angórusokkana mína þá fór ég allt í einu að hugsa um barnagallamálið hennar Kolbrúnar Halldórs. Eins og ég hef einhvern tíma nefnt einhvers staðar á blogginu þá klæddi mamma mig alltaf í ljósblátt þegar ég var lítil og hennar rök voru að ég væri ekki með bleik augu. Eins og gefur að skilja (af samhenginu) var ég með ljósblá augu í þá daga. Síðar á ævinni varð ég ákafur aðdáandi bleiks litar og á veglegt bleikt skósafn því til sönnunar. En, ég er að hugsa um hvort einhver af þeim sem kíkti niður í kerruna forðum hafi sagt: ,,Go liddlu dæduna"* og klipið í kinnina á mér. Ónei, ætli það hafi ekki frekar verið sagt: ,,Ah, myndarlegur strákur, sem þú ert með þarna! Hann á einhvern tíma eftir að verða stór og sterkur!"

 

* Á íslensku: ,,Sko litlu, sætu, stelpuna." 

Athugasemdir

[Linda litla, 29.11.2007 kl. 08:48]

Ég efast ekkert um að þú hafir verið myndarlegur strákur

[Helga 29.11.2007 kl. 09:53]

Rök mömmu þinnar voru góð.  Hvort þú sért undantekningin sem sannar regluna, veit ég ekki, en ekki reyndist blái liturinn hennar mömmu þinnar stefnumarkandi um uppáhaldslitinn þinn, "bleika" kona. Það er því spurning hvort línurnar séu lagðar á fæðingardeildunum.  

[Svala Erlendsdóttir, 29.11.2007 kl. 17:26]

Hehe, litirnir geta verið skemmtilegir. Minn eldri strákur var mjög oft í rauðu og þar að auki með blævængi fyrir augnhár og flestir voru vissir um að þetta væri stelpa

[Benedikt Halldórsson, 29.11.2007 kl. 18:20]

Bleiki liturinn er fyrst og fremst litur femínista! Ef Kolbrún hefði hugsað sig tvisvar um hefði henni orðið ljóst að bleiki liturinn er miklu meira áberandi á femínistum en ungabörnum af augljósum ástæðum. Ungabörn fara ekki í mómælagöngur. Og þar af leiðandi hlýtur stúlka í bleiku að vera virkilega "óþekk" stelpa sem ætlar ekki að láta kúga sig! Er það ekki skilaboð bleika litsins?

[Kristjana 29.11.2007 kl. 20:56]

Kæra Anna.

Takk fyrir frábærar postillur (blogg).

Ég veit ekki annað en að finnsk stjórnvöld senda, ennþá, körfu til hvers  nýfædds "Fnna"frá vetrastríðunu 1938-1939

Báðir litiir eru með og við getum bara valið eins og mamma þín gerði 1952.

k

[Anna Ólafsdóttir Björnsson, 29.11.2007 kl. 22:16]

Það er auðvitað miklu skemmtilegra að velja sér lit þegar maður er orðinn nógu gamall til þess sjálfur, en fram til þess held ég að það sé sniðugt að velja þessa ,,kynhlutlausu" liti. Svo strákarnir séu ekki böggaðir endalaust með kröfu um að vera stórir og sterkir og talað sé við stelpurnar eins og hálfvita. Eins og kemur fyrir. Ég hef í alvöru heyrt fullorðna manneskju segja við litla stelpu nákvæmlega þetta: Go liddlu dæduna! og mér finnst það bara frekar fúlt!

[Benedikt Halldórsson, 30.11.2007 kl. 01:13]

Ég held að þetta sé þjóðsaga að komið sé fram við stelpur eins og hálfvita, flökkusaga sem gengur mann fram að manni! Hugsið ykkur, 50% fleiri konur útskrifast sem stúdentar. Varla hefði sú þróun orðið ef almennur hálfvitagangur hefði verið í uppeldi þeirra. Að minnsta kosti hefur þeim ekki orðið beint af því að vera aðskilin frá strákunum með hinum ljósbleika lit á fæðingardeildinni nema síður sé.