Orðið ljósmóðir sigraði í fyrstu fegurðarsamkeppni íslenskra orða - glæsilegur lokasprettur

Orðið ljósmóðir sigraði í fyrstu fegurðarsamkeppni íslenskra orða hér á blogginu Orðið var lengst af í forystu en um tíma skákaði orðið kærleikur því og hnífjafnt var fyrir aðeins rúmum sólarhring, en á lokasprettinum stakk ljósmóðir öll hin orðin af. Í þriðja sæti kom svo orðið dalalæða, sem átti frækilegan lokasprett. Nánar verður sagt frá úrslitum á blogginu á morgun og sigurvegararnir kynntir og krýndir síðar.