Þessar ,,kvenna"konur

Á 10 ára afmæli kvennafrídagsins var mælst til þess að konur fengju frí til að taka þátt í hátíðarhöldum. Trúnaðarmaður í einu fyrirtæki í Hafnarfirði sagði með mikilli fyrirlitingu að hún væri orðin hundleið á þessum ,,kvenna"konum! þegar grennslaðist fyrir því hvort rétt væri að ekki væri gefið frí á hennar vinnustað.

Ég komst í góðan félagsskap svona ,,kvenna"kvenna í gær á konukvöldi VG í Kópavogi. Rosalega hefur trúnaðarkonan í Hafnarfirði farið mikils á mis, ef hún er sama sinnis og forðum að leggja ekki lag sitt við svona ,,kvenna"konur.

Skelli kannski nokkrum myndum frá kvennakvöldinu ef þær sem ég tók í gær eru skikkanlegar. 

 

Athugasemdir

[Ester Sveinbjarnardóttir, 30.4.2007 kl. 19:18]

Við konur verðum að standa saman, það er langt í land með jafnrétti.  Kvennalistinn gerði vissulega mikið fyrir okkur en betur má ef duga skal.

[HG 30.4.2007 kl. 20:27]

"Kvennakonur", já!  Ég held að ég tilheyri þeim stofni.  Það er betra að þekkja sinn bás.  

[Anna Ólafsdóttir (anno) 30.4.2007 kl. 20:38]

Veistu hvort það eru einhverjar svona „kvenna“konur sem eru til í að hressa upp á pólitíkina hérna fyrir norðan? Mér finnst bara algjör ládeyða hérna, allavega í stjórnarandstöðuflokkunum. Valgerður Sverris og Þorgerður Katrín eru þær einu sem kveður að þessa dagana hér.

[Anna Ólafsdóttir Björnsson, 30.4.2007 kl. 22:41]

Ég lenti í þvílíkum ,,kvenna"kvennafans á málþingi Málmfríðar á laugardaginn á Akureyri, alveg endurnærð. Kíktu í myndalistann minn (undir ,,allt og ekkert" og athugaðu hvort þú finnur einhverjar spennandi konur þar, nafna.

[Jenný Anna Baldursdóttir, 1.5.2007 kl. 01:57]

Úff Anna settu inn myndir af skellunum

[Anna Ólafsdóttir Björnsson, 1.5.2007 kl. 16:16]

Myndirnar komnar inn!